Любоў да горада нагадвае каханне да жанчыны.
Гэта вялікае шчасце, калі недзе ёсць горад, які чакае цябе, каб затуліць крылом спакою і зрабіць мацнейшым. Горад, чыё імя ты часта паўтараеш у думках, як імя блізкага чалавека, шукаючы і заўсёды знаходзячы нейкі патаемны сэнс з усё новымі і новымі адценнямі: чуеш у ім то ціхамірнае цурчанне Палаты́ з яе расчасанымі плынню зялёнымі "русалчынымі косамі", то ваяўнічы поступ полацкіх палкоў, то вусцішны гуд полымя над абложанымі ворагам замкамі…
Любоў да горада – вялікая таямніца, у якой нялёгка прызнацца. І ўсё ж я адважваюся зрабіць гэта. Маім прызнаннем будзе кніга.
(96 слоў)
Паводле У. Арлова
Похожие статьи:
Пераказы, дыктанты → Полацкая зямля
Пераказы, дыктанты → Мы родам адсюль
Пераказы, дыктанты → Полацк
Пераказы, дыктанты → Радзіма душы
Пераказы, дыктанты → Скрозь стагоддзі