Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Кніга нашага сумлення

   Прырода і чалавек – дзве культуры на планеце Зямля. Яны падобныя і розныя. Розніца ў тым, што прырода можа існаваць без чалавека, а ён без яе – аніяк.
   Батанікі свету першымі забілі трывогу, што пачынаюць знікаць асобныя віды раслін. І гэта адбываецца часцей за ўсё па волі чалавека. Яму трэба лес як дровы, як будаўніча-мэблевы матэрыял. Яму трэба асушваць балоты, будаваць гарады, вадасховішчы, пракладваць дарогі, здабываць з нетраў карысныя выкапні. Да таго ж космас рэгулюе надвор’е, змяняе клімат на кантынентах.
   Усе гэтыя перамены найперш адчуваюць расліны і жывёлы. Вось і з’явілася міжнародная Чырвоная кніга, дзе адзначана, што кожная нацыя нясе адказнасць за скарбы сваёй прыроды.
   Першая Чырвоная кніга Беларусі створана ў тысяча дзевяцьсот восемдзесят першым годзе. Адбор кандыдатаў у кнігу праводзіўся з улікам найбольш высокай рызыкі знікнення таго ці іншага віду, што дазволіла захаваць рэдкія віды флоры і фаўны Беларусі.
(141 слова)

Паводле У. Ліпскага.