Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Кажаны

   Ёсць дзіўныя жывёлы, якія лятаюць з дапамогай рук-крылаў. Гэтыя істоты выглядаюць даволі смешна: вушы ў іх малыя, пярэднія канечнасці зменены ў крылы. Пры палёце скураная перапонка расцягваецца, як у птушкі крылы.
   Кажаны вядуць начны лад жыцця. Днём яны хаваюцца пад дахамі дамоў, у дуплістых дрэвах, на гарышчы. Звычайна ў адным сховішчы можа знаходзіцца некалькі дзясяткаў кажаноў.
   Узімку кажаны ўпадаюць у спячку. Летам перад захадам сонца можна назіраць, як яны хутка перасоўваюцца над кронамі дрэў ці дахамі дамоў. Прагаладаўшыся за дзень, кажаны палююць на насякомых.
   Заолагі ніяк не маглі зразумець, як у кажаноў атрымліваецца лавіць насякомых уначы. Доўгія гады цягнуліся эксперыменты. Высветлілася, што кажаны валодаюць унікальным лакатарам, які пры палёце вылучае ўльтрагукавыя сігналы. З дапамогай гэтага лакатара кажан беспамылкова знаходзіць сабе корм.
   Сябры лесу ведаюць, што кажаны – надзвычай карысныя жывёлы. Яны харчуюцца насякомымі, якія прыносяць шкоду раслінам.
(137 слоў)

Паводле С. Гук.

Похожие статьи:

Пераказы, дыктантыДапамога жабам-вандроўніцам

Пераказы, дыктантыАхова навакольнага асяроддзя

Пераказы, дыктантыЧырвоны капялюшык

Пераказы, дыктантыШэры драпежнік

Пераказы, дыктантыЭкалагічная сцежка