Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Вёска над ракой

   Унізе каля ракі шнурком пагойдваліся на вадзе лодкі. Яны былі прымкнутыя замкамі на ланцужках да ўкапаных у зямлю рэек. Лодак было шмат. Амаль у кожнага гаспадара быў водны транспарт.
   Рака праз вёску выгнулася лукавінай. Тут жа ад яе адыходзіла шырокая затока, у якой было бела ад гусей і качак. У жніўні затока цвіла, паверхня яе была скрозь зацягнута дробнымі лускавінамі раскі. Лодкі, што заплывалі ў затоку, чарцілі на ёй чорныя дарожкі. Вясковыя малыя бегалі па яе пясчаным беразе з вудамі, лавілі якую драбязу. Далей, за паўкіламетра ад затокі, быў востраў, зарослы кучаравымі лазнякамі. Гэты востраў дзяліў раку на два амаль аднолькавыя рукавы. На другім беразе далёка разлягаліся паплавы, якія ў касавіцу густа застаўлялі стагамі.
   Хораша стаяла вёска над ракой. Прыгожа патанала яна ў снегавой кіпені майскіх садоў, раскашавала пад вераснёўскім сонцам.
(134 словы)

Паводле А. Кажадуба.

Похожие статьи:

ПераказыВясковыя коміны

ПераказыДзед

ПераказыЦюльпаны

ПераказыДзіўныя кветкі