Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Вучоныя танцоры

   Даўным-даўно каля Смаргоні князі Радзівілы заснавалі дзіўную акадэмію. Яна так і называлася – Смаргонская. У ёй вучылі не сялянскіх дзяцей, а мядзведзяў.
   Марудная была тая навука. Лясных жыхароў на ўроках ставілі на вялізную гарачую печ. Яны вымушаны былі падымаць пярэднія лапы, а на задніх нібы падтанцоўвалі. У гэты час іграла дуда або біў бубен. Такая навука доўжылася месяцамі і нават гадамі.
   Пасля гэтага мядзведзяў выводзілі на заробкі. Дрэсіроўшчык іграў мелодыю, а звер танцаваў. Такіх смаргонскіх «акадэмікаў» ахвотна прымалі не толькі ў гарадах і вёсках Беларусі, а нават у Францыі, Германіі, Венгрыі.
   Вось чаму на гербе Смаргоні ёсць выява чорнага мядзведзя. Заднімі лапамі звер стаіць на чырвонай рашотцы. А ў пярэдніх ён трымае герб Радзівілаў, ва ўладанні якіх была Смаргонь.
(120 слоў)

(Паводле У. Ліпскага)

 

Похожие статьи:

Пераказы, дыктантыВось якія «мішкі»

Пераказы, дыктантыМядзведзь

Пераказы, дыктантыНеспадзяваная сустрэча

Пераказы, дыктантыСмаргонская мядзведжая акадэмія

Уладзімір КараткевічУладзімір Караткевіч - Былі ў мяне мядзведзі