Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Веснавыя грыбы

   Няма больш прыемнага занятку, чым збіраць грыбы. Але, на жаль, грыбны час занадта кароткі.
   Я часта задумваўся над тым, як бы падоўжыць гэтыя шчаслівыя дні.
   Неяк мінулай вясною я звярнуў увагу на веснавыя грыбы. На іх цёмных шапачках ляжала сухая ігліца, бурае леташняе лісце.
   Чым жа гэта не грыбы?
   Я зняў капялюш і тут жа нарэзаў у яго грыбоў.
   Падсмажаныя на сале, прыпраўленыя смятанай, яны былі ніколькі не горшыя за іншыя, нават смачнейшыя.
   Цяпер я блукаю з кошыкам па лесе не толькі летам, але і вясною. А ўжо аб прывабнасці веснавога лесу шмат гаварыць не даводзіцца. Залітыя майскім сонцам палянкі і сцяжынкі востра пахнуць духмяным ландышам і расквітнелай чаромхаю, маладым лісцем і медуніцай. У галінах ізумрудных дрэў весела свішчуць галасістыя берасцянкі, гучна кукуюць зязюлі.
   Дык навошта ж дарэмна час губляць? Хуценька, сябры, бярыце кошыкі ды спяшайцеся ў лес па веснавыя грыбы.
(143 словы)

Паводле Р. Ігнаценкі.

Похожие статьи:

ПераказыГрыбныя дажджы

ПераказыНастасін гай

Максім ТанкМаксім Танк - Пах баравіковы

ПераказыГрыбы ў павер’ях

ПераказыБаравічкі