Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Янка Купала - Сірочая доля

Цяжка сірацінцы

Адзінокай жыць;

Доля-весялуха

Знікуль не бяжыць.


За хатай і ў хаце

Цярпіць сірата:

То мароз марозе,

То золіць слата.


Бачаць маці, бацька

Роднае дзіцё;

Ўбогую сіротку

Хто ж убача, хто?


Ад брамы да брамы

Йдзе, збірае хлеб,

Ручачку працягне, –

Кожны глух і слеп.


Кожны насмяецца

Над беднаю ей,

Са зрэбнай кашулі,

З лазовых лапцей.


Ой, цярпіш, сіротка,

Ўсё жыццё цярпіш;

Пойдзеш у магілку, –

Хто ж паставе крыж?


Хто, як ляжаш спаці

Навекі ў зямлю,

Пацеры згавора

За душу тваю?


Хіба гэты вецер,

Што ў платах пяе,

Хіба з дажджом хмарка

Слязу праліе.


Хіба ночкай зоркі,

Што ў небе гараць,

Па сіротцы ўбогай

Будуць бедаваць.

 


1906-1910

 

Похожие статьи:

Янка КупалаЯнка Купала - Пясняр беларускага народа

Пераказы, дыктантыСіроты

Якуб КоласЯкуб Колас - Сірата Юрка

Цётка (Алаіза Пашкевіч)Цётка - Сірата

Цётка (Алаіза Пашкевіч)Цётка - Сірацінка