Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Янка Журба - Над Дзвіной

Імчыць шумліва свае хвалі
Рака Заходняя Дзвіна,
Нясе ваду далёка ў мора,

Паважна коціцца яна.


За хваляй хваля набягае
На шэры жвірысты пясок
I рассыпаецца з шуршаннем,

Нібы бурлівы ручаёк.


Увесь дзень кані-рыбаловы
Галосяць, быццам на бяду;
А часам сумныя крыкунні

Ляцяць каменнем у ваду.


Шмат клопату ў крыклівых птушак:
Ім трэба рыбку тут схапіць.
Во бліснуў акунёк зялёны –

I ўцёк, каб далей вольна жыць.


Парой і ястраб зашнуруе:
Ён хоча птушку тут злавіць,
Над блонню з ніцымі кустамі,


Але ізноў удаль ляціць.


Звіняць у небе песні птушак.
На беразе па-над Дзвіноіі,
Цяністы, стромкі і маўклівы,

Бы ў зморы, бор стаіць сцяной.


Малюнак пышны вабіць вочы:
Наўкол прыгожасць і святло,
Прырода ўцехаю красуе,

Бо лета яснае прыйшло.


1909


Крыніца: Журба Я. Роднае: Лірыка. – Мн.: Маст. літ., 1980. – 144 с.

 

Похожие статьи:

Янка ЖурбаЖыццёвы і творчы шлях Янкі Журбы

Янка ЖурбаЯнка Журба - Коцік

Янка ЖурбаЯнка Журба - Братняй Украіне

Янка ЖурбаЯнка Журба - Залацісты вечар дагарае...

Янка ЖурбаЯнка Журба - Вясна ідзе