Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Янка Журба - Бабулька і козлік

(Паводле народнай казкі)


Шэранькі козлік
Жыў у бабулькі,
Быццам у роднай
Мілай матулькі.

Козліка бабка
Дужа любіла,
Свежай травою
Часта карміла,

Шчыра дзень кожны
Яго даглядала,
Смачнага пойла
Ўранні давала.

Ў сенцах на сене
Клаўся ён спаці
Ў гай разам з бабкай
Бегаў гуляці.

Козлік задумаў
Бегчы ў лясочак:
Стаў яму цесен
Бліжні гаёчак.

Ўраз разбурыў ён
Тын ля дамочка
I апынуўся
Ў цёмным лясочку.

Ў лесе, дзе густа
Сосны стаялі,
Козліка зверы
Хутка дагналі...

Плакала доўга
Ў хаце бабулька.
Як па дзіцяці
Плача матулька.

 

Похожие статьи:

Янка ЖурбаЯнка Журба - Вясна ідзе

Янка ЖурбаЯнка Журба - Залацісты вечар дагарае...

Янка ЖурбаЖыццёвы і творчы шлях Янкі Журбы

Янка ЖурбаЯнка Журба - Коцік

Янка ЖурбаЯнка Журба - Братняй Украіне