Сноп праменняў, пышна ўзняты,
Сее бляск-чырвонцы –
Гэта неба сцеле шаты
На дарогу сонцу.
Над палямі мрок прарваўся,
Па нізах расплыўся,
Лес туманам заснаваўся,
Луг расой абмыўся.
Агнявыя валаконцы
Ткуцца ў шоўк чырвоны –
Гэта хмаркі ладзяць сонцу
І дзяньку кароны.
Як прыемна пахне збожжа!
А вакол – спакойна!
Эх, як слаўна, як прыгожа,
Хораша, прыстойна!
І сабрала неба фарбы
Колераў дзівосных...
І дзе ёсць такія скарбы
Гожства, сугалосся?!
Похожие статьи:
Янка Журба → Янка Журба - Усход сонца
Пераказы → Сонца не стаіць на месцы
Васіль Хомчанка → Васіль Хомчанка - Фарбы возера
Васіль Быкаў → Васіль Быкаў - На ўсходзе сонца
Пераказы → На ўсходзе сонца
