Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Якуб Колас - Дуб

Сілачом стаіць
Дуб разложысты,
І здалёк відаць
Пышны верх яго.
 
А ўнізе пад ім
Нёман коціцца,
Срэбрам-стужкаю
Павіваецца.
 
У нагах трава
Нізка сцелецца,
А вакол ляжыць
Травяністы луг.
 
Ў глыб зямлі ўвайшлі
Карані яго.
Крэпка дуб стаіць,
Не варушыцца!
 
Так размашыста
Параскіданы
Ва ўсе стораны
Лапы крэпкія.
 
Комель – слуп-скала,
Дыша сілаю,
А ўгару зірнеш –
Шапка валіцца.
 
Дуж ты, дуб стары,
Сын вякоў сівых!
Многа бур ты знёс
На вяку сваім!
 
Налятаў віхор
З навальніцаю,
Ды не гнуўся ты
Перад бураю!..
 
Гэй ты, дуб стары,
Вартаўнік лугоў!
Аддае твой шум
Спевам-музыкай.
 
А пра што шуміш
І аб чым пяеш,
Пра то ведаюць
Ветры вольныя,
 
Што з табой вядуць
Мову сталую
Ў летні добры час
Або восенню.
 
Я падслухаю
Гэты шум лістоў,
А з іх гутаркі
Песня зложыцца.

1910

 

Похожие статьи:

Якуб КоласСлужэнне народу — асноўны абавязак мастака. Паэма «Сымон-музыка»

Якуб КоласТворчасць Якуба Коласа

Якуб КоласДухоўнае багацце чалавека ў паэме «Новая зямля»

Якуб КоласПаэма «Новая зямля» — мастацкая энцыклапедыя жыцця беларускага сялянства

Якуб КоласКарціны роднай прыроды ў паэме «Новая зямля». Жанравыя асаблівасці паэмы