Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Юрась Свірка - Сняжок

Ён першы раз убачыў снег.
Не знае, што такое.
Ад радасці пабег, пабег.
Гуляе сам з сабою.

Сабачка то ўпадзе на бок,
То пад кусты залезе.
І сам, як беленькі клубок,
Качаецца па снезе.

– Сняжок, сюды! Пушок, сюды!
Сняжок нібы не чуе.
Бяжыць малы абы-куды,
Сляды свае нітуе.

І раптам ён на рукі – скок!
Ледзь мне не скінуў шапку.
– Пагрэйся, беленькі Сняжок,
Пагрэй хоць крышку лапкі.

Калючы шчыплецца мароз.
Сняжка пад курткай грэю.
Там толькі вочкі, толькі нос
Як гузічкі, чарнеюць.

Похожие статьи:

Юрась СвіркаЮрась Свірка - Ласіны стажок

Юрась СвіркаЮрась Свірка - Свята

Юрась СвіркаЮрась Свірка - З першым снегам

Юрась СвіркаЮрась Свірка - Верны крэўнаму брацтву

Юрась СвіркаЮрась Свірка - Яшчэ раз пра маці