Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Юрась Свірка - Журботны працяг песні

«Жураўлі на Палессе ляцяць»...
Чую песню.
На сэрцы – журліва.
Як бы іх на ляту пераняць,
Папярэдзіць бы клін жураўліны.

Не ляціце пакуль што туды,
Там, дзе Прыпяць разліта шырока:
Там дыханне няўсцешнай бяды
Узлятае штодня пад аблокі.

І ніякай здагадкі пра смерць.
У засмужанай далі знікаюць.
І не могуць туды не ляцець:
Там, над Прыпяццю, гнёзды чакаюць.

І не могуць свой край пакідаць,
Іх чакае там сонца ў зеніце...
Жураўлі на Палессе ляцяць,
Як сказаць ім: туды не ляціце.

 

Похожие статьи:

Артур ВольскіАртур Вольскі - Боль Чарнобыля

Сучасная літаратура БеларусіТэма Чарнобыля ў беларускай паэзіі

Алесь ПісьмянкоўАлесь Пісьмянкоў - 1986

Пімен ПанчанкаПімен Панчанка - Аб самым смачным...

Мікола МятліцкіМікола Мятліцкі - Санеты Чарнобыля