Эдуард Акулін - Жанчына

Жанчына — сасуд без дна...
Дакладней — Сусвет сусветаў.
Сам Бог у яго віна
наліў, каб натхняць паэтаў.

Заблудзяцца ночы ў днях
у пошуках апахмелкі...
Жанчына — сасуд без дна
для тых, хто душой нямелкі.

Камусьці — фрагмент рабра,
узноўлены клон Адама...
А мне — акіян святла —
Каханая, Муза, Мама.

Похожие статьи:

Янка Сіпакоў → Янка Сіпакоў - Жанчына

Сяргей Грахоўскі → Сяргей Грахоўскі - Плача жанчына

Генадзь Бураўкін → Генадзь Бураўкін - Жанчын прыгожых трэба берагчы...

Віктар Карамазаў → Віктар Карамазаў - Жанчына ў чорным і Афган

Анатоль Вярцінскі → Анатоль Вярцінскі - Жаночая гордасць