Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Эдзі Агняцвет - Першае слова

Першы голас, які я пачула на свеце,
Быў голас маці.
Калыханку пад месяцам і на дасвецці
Спявала мне маці.

Гэта – першая песня
І першае слова
Зямлі маёй весняй.
Гэта – ціхая ласка
І мару ахова.
Дзякуй, маці, за песню!

Запаветныя, родныя фарбы і гукі –
Усё застаецца.
Дзякуй, мама, за рукі,
Бяссонныя рукі,
За адданае сэрца!

Рукі цёплай пяшчоты,
Турботы і працы –
Ад ляноты лячылі.
Аніякай работы ў жыцці не цурацца
І мяне навучылі.

Не пакрыўджу цябе,
З тваіх сцежак не збочу,
Засланю ад нягоды.
Я хачу, каб свяціліся радасцю вочы
І жыла ты заўсёды.

Похожие статьи:

ПераказыХто ж аўтар «Слова пра паход Ігаравы»?

ПераказыРоднае слова

ІншаеСлова пра паход Ігаравы

ССлова

Рыгор КрушынаРыгор Крушына - Слова