Эдзі Агняцвет - Маме

Калі б магла вясёлку з неба зняць,
Я падарыла б маме.
Каб з хмарак я магла дыван саткаць,
Я падарыла б маме!

Пралескі ўсіх лясоў і стужкі рэк
Я падарыла б маме.
I ласку, і цяпло на доўгі век
Я падарыла б маме!

Святло бяроз і песеньку малой
Сініцы сінякрылай –
Хачу паднесці ўсё, што мне самой
Матуля падарыла.
 

Похожие статьи:

Эдзі Агняцвет → Эдзі Агняцвет - Зямля з блакітнымі вачамі

Эдзі Агняцвет → Эдзі Агняцвет - Хто пачынае дзень?

Эдзі Агняцвет → Эдзі Агняцвет - Саўка за сталом

Биографии → Эдзі Агняцвет

Эдзі Агняцвет → Эдзі Агняцвет - Ціхі вечар