Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Эдзі Агняцвет - Блакітна-шэры Цім

Не брэша і не скача
Блакітна-шэры Цім.
Дзяўчынка ледзь не плача –
Адна марока з ім.

Ён – цацка магазінная,
Пакупка імянінная,

Дзяўчынкі несла Ціма
На вуліцу праз двор.
Прабегла такса міма
І пудзель ды баксёр.

Што цацка? Нецікава!
Сваіх хапае спраў.
Адзін дварняга жвавы
Яго пашкадаваў.

Пачаў брахаць, круціцца,
Дае ён Цімку знак,
Загадвае, як быццам:
– Скачы, як я, дзівак!

І адбылося дзіва:
Малы сарваўся з рук,
Шчасліва-палахліва
Ён паглядзеў наўкруг.

Дзяўчынка кліча цацку,
Збянтэжана зусім.
...Вось так ажыў знянацку
Блакітна-шэры Цім.

 

Похожие статьи:

Эдзі АгняцветЭдзі Агняцвет - Саўка за сталом

Эдзі АгняцветЭдзі Агняцвет - Зямля з блакітнымі вачамі

БиографииЭдзі Агняцвет

Эдзі АгняцветЭдзі Агняцвет - Ціхі вечар

Эдзі АгняцветЭдзі Агняцвет - Маме