Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Уладзіслаў Галубок - Забытая хатка

Над соннай далінай
Відаць хмызнячок,
Пры ім сірацінай
Хацінка-дамок.

Жыве там гаротны
Дзядуля з дня ў дзень,
Збалелы, маркотны,
Снуе толькі цень.

Калісь быў ён молад,
Дуж быў, як той леў;
I холад і голад
Ён занішто меў.

Жыццё прамінула,
Як сон той вясной, –
Старога сагнула
Бяда, неспакой;

Меў дзетак – вось сына
Забрала вайна;
Другога машына
У магілу звяла;

За імі і маці
Пайшла на той свет...
Астаўся у хаце
Адзін-адным дзед.

Сядзіць скачанеўшы,
Сагнуты дугой,
Не піўшы, не еўшы,
З нямою душой...

Віхура за хатай
Гудзіць і шуміць,
З пагудкай заклятай
У шыбы гручыць.

I як бы галосіць
Над ім, сіратой,
I нібыта просіць
На вечны спакой...

Крапіўся дзядуля –
Займацца стаў дух,
Прыйшла смерць-зязюля,
Як свечка, патух.

Чырвонае сонца
З-за лесу ўзышло,
У хатцы аконца
Агнём заліло,

Ды хатка пустая –
Ужо дзеда няма!
Цяпер там гуляе
I холад, і цьма.

Похожие статьи:

ПераказыЛюдчына хата

Уладзіслаў СыракомляУладзіслаў Сыракомля - Пра маю старую хатку

ПераказыХаты беларусаў

ПераказыНашы хаты

ПераказыПросім у хату, госцейкі нашы!