Сяргей Грахоўскі - Я шчыра люблю...

Я шчыра люблю
Неспакойных і смелых,
I тых,
Што сабе не даруюць віну,
Люблю маладых
I люблю пасівелых,
Вясёлых люблю,
А кахаю адну.
 
Каханне не мае
Ні межаў, ні стажу,
Каханне прыносіць
Заўжды навіну.
I, мабыць, ніколі
Ніхто не адкажа,
За што ён кахае
На свеце адну.
 
1964 г.

Похожие статьи:

Рыгор Крушына → Рыгор Крушына - Твае вочы

Эдуард Акулін → Эдуард Акулін - Трыялет

Анатоль Грачанікаў → Анатоль Грачанікаў - Свяці, кахання чыстая зара!..

Язэп Пушча → Язэп Пушча - Яшчэ ў юнацкія гады

Янка Журба → Янка Журба - Каханне