Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Рыгор Крушына - Газэля

Няўсцішна-горача люблю цябе, мой край.
Твой голас з далечы лаўлю ў журбе, мой край.
 
Даўней не ведаў я, што хараством
Мяне пачнеш ты вабіць да сябе, мой край.
 
Заклятым злом завязаны залом...
I маё сэрца памятку скубе: мой край!
 
Згарэла маладосць, згарэў мой дом,
Але я захаваў жывым цябе, мой край.
 
Паміж чужых не буду чужаком.
Куды я ні зірну – крыніцай б’е мой край.
 
Хай адгукнецца роднае цішком:
На сціплых васількох і на вярбе – мой край.
 
I кожнай цвет-галінкай і лістком
Крушына мне прыгадвае ў жальбе мой край.
 
Яшчэ ў маленстве піў я з малаком
Тваёй пяшчоты мёд. Люблю цябе, мой край.

 

Похожие статьи:

Рыгор КрушынаРыгор Крушына - Тэрцыны

Рыгор КрушынаРыгор Крушына - Крушына

Рыгор КрушынаРыгор Крушына - Чалавек

БиографииРыгор Крушына

Рыгор КрушынаРыгор Крушына - Секстына