Заспаная раніца мжыстая,
На фарбы і гукі скупая.
Нібыта сцяжынаю мшыстаю,
Прыціхлай зямлёю ступаеш.
I вёдры прыглушана бразгаюць
Каля адсырэлае студні,
Лісцёваю дыхае брагаю,
Пакутуе восень застудай.
Цыбатай нагой жураўлінаю
Імшарамі верасень крочыць.
Ад кіслых прысмак журавінавых
Заплюшчыла сонца вочы.
Цвітуць успаміны верасам.
Няяснае мроіцца-сніцца.
I моцна жадаецца-верыцца,
Што ўсё да паўдня праясніцца.
Похожие статьи:
Пераказы, дыктанты → Раніцою
Язэп Пушча → Язэп Пушча - Раніцу шчэбет пільнуе ...
Пераказы, дыктанты → Вясновая раніца (Паводле Я. Скрыгана)
Авяр’ян Дзеружынскі → Авяр’ян Дзеружынскі - Летняя раніца
Якуб Колас → Якуб Колас - Раніца вясною