Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Пятрусь Макаль - Роднае слова

Калі я засмягну ад спёкі,
дазволь мне табе пакланіцца,
крыніца, –
роднае слова...
Калі заблуджуся ў дарозе,
не моўкні ў бацькоў на парозе,
цябе я здалёку пачую,
матчына слова.
Калі анямею раптоўна –
дык не навекі! –
голас мне вернуць не лекі,
а крэўнае слова.
Хай нават аглушыць бітва,
адновіць мой слых не малітва,
а бацькава слова.
Калі растваруся ў натоўпе,
дзе твару твар не знаходзіць,
аблічча маё адродзіць
айчыннае слова.
Лёсу майго кірунак,
долі маёй выснова,
як паратунак, –
матчына слова,
бацькава слова,
роднае вечнае слова!

Похожие статьи:

Пятрусь МакальПятрусь Макаль - Поле, поле...

Пятрусь МакальПятрусь Макаль - Табе, бацькоўская зямля

Пятрусь МакальТворчасць Петруся Макаля

Пятрусь МакальПятрусь Макаль - Смак яблыка

Пятрусь МакальПятрусь Макаль - Два кубкі