Пятрусь Броўка - Ах, восень, восень...

Ах, восень, восень, ты пад сонцам
Неапісальнай пекнаты,
Ты раскідаеш,
Як чырвонцы,
З кляноў барвовыя лісты.
Табе між сосен нібы цесна,
Ірвешся ўдалеч,
На прасцяг,
Вятрамі завяла ты песню
Па ўсіх дарогах і шляхах.
На правады ж панасаджала
Шпакоў у некалькі радоў,
Як быццам імі напісала
Жывыя ноты між слупоў.

Похожие статьи:

Уладзімір Дубоўка → Уладзімір Дубоўка - Залатая, асенняя раніца...

Ніна Мацяш → Ніна Мацяш - Восень

В → Восеньскія песні

Алесь Салавей → Алесь Салавей - Восень

Алесь Гарун → Алесь Гарун - Восень