Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Пятро Глебка - На рэчцы

На небе ані хмары...
Такой часінай дня
Густая, быццам пара,
Стаіць гарачыня.
 
Замерлі дрэў макушкі,
Не зварухнецца ліст;
Пявучай самай птушкі
Замоўк апошні свіст.
 
Адно пярэстым роем
Ля самае зямлі
У каляровых строях
Лятаюць матылі.
 
Ды трапяткія хвалі
Вясёлай чарадой
Спяваюць, як спявалі,
Гамоняць з асакой.
 
І вее прахалодай
Ад чыстае ракі,
І па жывыя воды
Спяшаюць хлапчукі.
 
Ад променяў пякучых
У глыб вады рачной
Яны з высокай кручы
Ныраюць з галавой.
 
Ляцяць навокал пырскі,
І жвавыя кругі
Бягуць і мыюць блізкі
І дальні берагі.
 
І ў дружны хор шчаслівы
Зліваецца шчыльней
І гоман хваль шумлівых,
І звонкі смех дзяцей.

 

Похожие статьи:

Эдзі АгняцветЭдзі Агняцвет - Рэчка-рэчанька мая

Сяргей ГрахоўскіСяргей Грахоўскі - Пачатак

Ніна МацяшНіна Мацяш - Жыла-была рака

Якуб КоласЯкуб Колас - Каля рэчкі

Анатоль ГрачанікаўАнатоль Грачанікаў - Шарпілаўка цячэ ў жыццё, як Сож...