Ніл Гілевіч - Паклон табе, мой беларускі краю!..

Паклон табе, мой беларускі краю!
Ты – мой, я – твой: ад роду і навек.
Я зноў і зноў да сэрца прыкладаю
Твой ліст дубовы – як чароўны лек.

За хлеб, што ем, за песні, што спяваю,
За шчасце звацца іменем тваім –
Паклон, паклон табе, мой родны краю!
Ты – мой, я – твой: усюды і ва ўсім!


1973

Похожие статьи:

Авяр’ян Дзеружынскі → Авяр’ян Дзеружынскі - Я спяваю, ты спявай!

Пераказы → Свой край

Пераказы → Святло Радзімы

Васіль Зуёнак → Васіль Зуёнак - Будучыня

Пераказы → Мой край