Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Міхась Кавыль - Ідзі, ідзі...

Упала ноч.

Як эдэльвейсы, зоры

Цвітуць над Альпамі.

Аскепак-маладзік

У неба ўрэзаўся.

Блакітнае на горы

Імжыць святло.

А ты ідзі, ідзі...

Якая ноч!

Як у святыні, ціха

I урачыста.

На калені упадзі.

Вунь там агонь міргае...

Шчасце з ліхам

Кладуцца спаць...

А ты ідзі, ідзі...

Трывожыць ноч,

як смерці жах мінулы,

I прышласць мроіцца,

як недабіты дзік.

Нібы агонь,

няўсподзеў шуганула

Жаданне жыць.

Каб жыць,

ідзі, ідзі...

Канае ноч,

і зазвінелі зоры.

Прамень, як штых, бліснуў,

I маладзік

Збляднеў,

самлеў.

Ружовае на горы

імжыць святло.

А ты ідзі, ідзі...



1944-1952

 

Похожие статьи:

Міхась КавыльМіхась Кавыль - Просьба

Міхась КавыльЖыццёвы і творчы шлях Міхася Кавыля

Міхась КавыльМіхась Кавыль - Санет

Міхась КавыльМіхась Кавыль - Сібір

БиографииМіхась Кавыль