Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Мікола Чарняўскі - Урок ветлівасці

Дзяўчынак хлопцы
Не чапаюць,
За косы нават
Не скубнуць.
Папросяць кніжку –
І чакаюць,
Пакуль ім кніжку
Пададуць.

Як імянінніцы,
Дзяўчынкі,
Ажно цвітуць:
Прыемна ім –
Наш класны стараста
Навінку
Прыдумаў простую зусім:
Быць паслухмянымі,
Дзяўчынак
Не крыўдзіць болей
Анідзе!
Ці будзе ўрок,
Ці перапынак,–
Трымацца ветліва
Ўвесь дзень!

Куды падзеўся
Вечкаў ляскат?
Дзе лішні ўзбуджаны шумок?
На ўроку:
– Дзякуй!..
– Калі ласка!..
На ўроку –
Ветлівасці ўрок.

А на бліжэйшым перапынку
Да Генкі –
Згодзіцца ці не? –
Як змоўшчыца,
Падсела Зінка:
– Памый анучку
За мяне...
Ды адмахнуўся
Злосна Генка:
– Сама памыеш,
Не паненка!

І Зінка,
Глянуўшы звысоку,
Спытала ўсё ж:
– Забыў няўжо?
Ты што казаў
На тым уроку?..
– А ўрок... Урок

мінуў ужо...

Похожие статьи:

Мікола ЧарняўскіМікола Чарняўскі - Ёлка

Міхась ЧарняўскіМіхась Чарняўскі - Вогнепаклоннікі

Мікола ЧарняўскіМікола Чарняўскі - Змайстравалі сані

ПераказыСтала песняй у народзе

ПераказыМузей векапомнай славы