Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Мікола Чарняўскі - Спрэчка

Што за выдумшчык Сярожа
Мой сусед,
Таварыш мой!..
– Хто хутчэй стаміцца можа? –
Заспрачаўся ён са мной. –

А ці той,
Хто ляжыць,
А ці той,
Хто сядзіць?..

Спрэчка –
Тая ж трэніроўка
На цярпенне.
Так ці не?..
Я –
У крэсла ўсеўся лоўка,
Ён –
Залёг на тапчане.

Ён ляжыць,
А я сяджу,
У акно,
На двор гляджу...

Я даўно б
Схадзіў на рэчку,
Шчупака б
Прынёс дамоў,
Але як тады
Са спрэчкай?
Я ж прайграю
Без размоў!..
Змарнаваўся
Цэлы дзень
Воляю-няволяй.

Ён – ляжаў,
А я сядзеў:
Хто
Стаміўся
Болей?

 

Похожие статьи:

Мікола ЧарняўскіМікола Чарняўскі - Вясёлка над полем

Міхась ЧарняўскіМіхась Чарняўскі - Вогнепаклоннікі

Мікола ЧарняўскіМікола Чарняўскі - Змайстравалі сані

Мікола ЧарняўскіМікола Чарняўскі - «Акадэмія»... на колах

Мікола ЧарняўскіМікола Чарняўскі - Ёлка