Колькі ў сонейка праменняў,
Як узыдзе ў летні час?
Колькі іх?
Відаць, не меней,
Чым жыве на свеце нас.
Кожны дзень, як згаснуць зоры,
Рупна сонейка ўстае –
І ласкава,
І бадзёра
Нам па промню раздае.
Промні ў вокнах залацяцца,
Усміхаюцца ў вачах.
Многа сонца –
Многа шчасця,
Свет спявае ў гэты час.
Аднаго жадаем шчыра –
Ззялі б сонцам нашы дні.
Аднаго жадаем – міру
І зямлі ўсёй – дабрыні.
Неба сцеле промні-сцежкі
Да лугоў, азёр, бароў.
Сонца – ўсмешку.
Мы – усмешку...
Колькі ў сонейка сяброў?
Похожие статьи:
Мікола Чарняўскі → Мікола Чарняўскі - Ёлка
Мікола Чарняўскі → Мікола Чарняўскі - Вясёлка над полем
Міхась Чарняўскі → Міхась Чарняўскі - Вогнепаклоннікі
Мікола Чарняўскі → Мікола Чарняўскі - Змайстравалі сані
Мікола Чарняўскі → Мікола Чарняўскі - «Акадэмія»... на колах