Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Мікола Чарняўскі - Буркатун

Дзень у полі не змаўкае трактар –
Буркатлівы ў трактара характар.

Ды такога не бывае з кім?!
Але ж хто нарэжа чорных скіб,
Нашнуруе цёплых баразён?
Толькі плуг,
Ды толькі трактар, ён!

Хто пасля пасее рупна збожжа?
Сейбіт буркатлівы,
Ён жа!

Як бурчаць аднойчы перастане –
Жыта ў рост вясной тады
Не ўстане.
Колас поўны,
Важкі і бухматы,
Хлеб не прынясе на стол у хаты.

Вось чаму –
Рупіцца яму.
Не ўтрымаць да снегу на дварэ –
Ён

     арэ,

арэ,

               арэ,

арэ!

Рады тата, як яго заводзіць:
– Малайчына! Цягне! Не падводзіць!
Хоць бурчыць, ды не злуецца трактар
Працавіты ў трактара характар!

Похожие статьи:

Мікола ЧарняўскіМікола Чарняўскі - Вясёлка над полем

Міхась ЧарняўскіМіхась Чарняўскі - Вогнепаклоннікі

Мікола ЧарняўскіМікола Чарняўскі - «Акадэмія»... на колах

Мікола ЧарняўскіМікола Чарняўскі - Змайстравалі сані

Мікола ЧарняўскіМікола Чарняўскі - Ёлка