Леанід Галубовіч - Дзяцінства пачынаецца з пытання...

Дзяцінства пачынаецца з пытання,
Ад сузірання першага світання.
Юнацтва пачынаецца з кахання,
Ад пачуцця i светапазнавання.
A сталасць – з разумення існавання.
I ў старасці чакаем мы адказу
На ўсе пытанні аб жыцці адразу.
Ды паміраем – закрываем вочы,
Не разгадаўшы вечнасці і ночы.
Мы паміраем самі – ад жыцця,
Не зразумеўшы ўласнага быцця.

Похожие статьи:

Максім Багдановіч → Максім Багдановіч - Жывеш не вечна, чалавек...

Рыгор Барадулін → Рыгор Барадулін - Пакуль жывеш, развітвайся з жыццём...

Сяргей Грахоўскі → Сяргей Грахоўскі - Бяссмерце

Алесь Гарун → Алесь Гарун - Жыцце

Сяргей Грахоўскі → Сяргей Грахоўскі - Казкі жыцця