Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Ларыса Геніюш - Не веру

Не веру, не веру, каб ў сцюжу замерзла,
што цудна вясной расцвіло,
не веру, не веру, каб колісь замерла,
што некалі песняй жыло.

Што вецер крылаты у небе сасватаў,
калі зацвіталі сады,
ды зоры у далі вяселле спраўлялі,
аж месяц упіўся бляды.

Не веру, не веру, каб днём жыцця шэрым
камусь заламалась крыло,
не веру, не веру, каб згасла, замерла,
што некалі песняй жыло.

1940

 

Похожие статьи:

Ларыса ГеніюшЛарыса Геніюш - Зіма. Мароз кусаецца...

Ларыса ГеніюшЛарыса Геніюш - Зіма

Ларыса ГеніюшЛарыса Геніюш - Вясковы дом

Ларыса ГеніюшТворчасць Ларысы Геніюш

Ларыса ГеніюшЛарыса Геніюш - Аблокі