Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Казімір Камейша - Пушчанскі кут

Вітаю росны твой мурог,
I твой блакіт сцюдзёна-ціхі,
I свежы перашэпт вятроў
Пад трапяткім крылом бусліхі.

Я сам нібыта на крыле
Лячу ў куток пушчанскі

светлы.

Няма чысцей,

няма святлей,

Чым ён, мой самы запаветны.

Цякуць праз дні і праз гады,
Цякуць праз нашы сэрцы рэкі.
I ўсё –

ад поля да грады –

Лагодзіць позірк чалавеку.