Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Змітрок Бядуля - Лісічка

За гарою ёсць даліна,
У даліне ёсць вярбіна.

Пад вярбінай б’е крынічка,
Ля крынічанькі – лісічка.

Не прастая – залатая,
Ходзіць, бродзіць, байкі бае.

Байкі бае, пяе, скача,
Бо ёй весела, няйначай.

Пяе, скача, кліча дзетак,
Кліча дзетак-малалетак

На гулянку у гасподу,
І дае ім пернік з мёдам,

І дае ім булку з макам,
І дае ім шмат прысмакаў,

І дае ім цацкі-грайкі,
Талалайкі, балалайкі.

Тут і котачка шкляная,
Тут і мышка наліўная,

Тут і жабка з белай бляхі,
Тут і хаткі, тут і гмахі,

Змайстраваныя з паперак
Ды з крухмалавых цукерак.

Ёсць і зайчыкі са стужак,
Ёсць і кошыкі са стружак,

З жоўтай гліны чалавечкі,
Алавяныя авечкі.

Цацак шмат лісічка мае,
Колькі іх – сама не знае:

Лічыць, лічыць, слепіць вочы,
Лічыць, лічыць, балабоча,

На пясочку піша лапкай.
Раптам знекуль скача жабка.

Гэй! – ад лічбаў, ад складання
Ані следу, ані звання, –

Шурам-бурам разляцеліся,
Невядома дзе падзеліся.

Ліска блытае рахунак,
Кліча дзетак на ратунак.

Дзеткі шчыра памагаюць,
Бо ўжо грамату ўсе знаюць.

 

Похожие статьи:

Змітрок БядуляЗмітрок Бядуля - На каляды к сыну

БиографииЗмітрок Бядуля

Змітрок БядуляЗмітрок Бядуля - Маці

Змітрок БядуляЗмітрок Бядуля - Велікодныя яйкі

Змітрок БядуляЗмітрок Бядуля - Нібы рупны араты