Думкі апоўначы – кветкі расістыя –
Сэрца смяротнага спевы вячыстыя,
Птушкамі ціхімі ймчаліся ў выраі,
Ў неба халоднае біліся крыллямі.
Пчолкі маўклівыя – зоранькі пільныя
Іх сустракалі там цішай магільнаю.
Месяц палохаў іх сном-таямніцаю,
Путаў іх, блутаў іх срэбнай расіцаю.
Хмаркі кудзельныя, лёгкія, зграбныя
Цьмой-павуцінаю клікалі-вабілі.
Далі трывожылі сінімі дахамі,
Хвойнымі процьмамі, шызымі страхамі.
Думкі апоўначы – ягадкі спелыя –
З неба вярнуліся асірацелыя.
Думкі, да месяца не ўзнімайцеся.
Лепш вы зямеліцы блізкай трымайцеся.
Похожие статьи:
Змітрок Бядуля → Змітрок Бядуля - Нібы рупны араты
Змітрок Бядуля → Змітрок Бядуля - На каляды к сыну
Змітрок Бядуля → Змітрок Бядуля - Велікодныя яйкі
Змітрок Бядуля → Змітрок Бядуля - Маці
Биографии → Змітрок Бядуля