Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Данута Бічэль-Загнетава - Любы мой!

Любы мой!
Сцяжынаю зямною
ходзіш —пругкі,
малады і ўпарты.
Будзь адкрытым,
праведным са мною,
з іншымі —
любові нашай вартым.

Мне, як шчырай кнігаўцы на лузе,
без расінкі прагнуць і марнець.
Што ні ўчыніш на жыццёвым крузе,
кожны чын твой дойдзе да мяне.

Вуснамі,
алоўкам,
чуткі стрэлам.
Сэрца
вымерае
меркай часу.
Дазваляю быць са мной нясмелым,
а з Радзімай смелым да адчаю.

Можаш свята нашае не ўспомніць,
не прынесці ружаў ці вяргінь.
Толькі не праспі ты
ноч-апоўнач
крокі ворагаў і варагінь.

За ракой, за борам, за гарою
пагасціць запросіць край суседскі, —
будзь заўжды маёй душы героем,
будзь сапраўдным,
як Максім Гарэцкі.

 

Похожие статьи:

Язэп ПушчаЯзэп Пушча - Яшчэ ў юнацкія гады

Анатоль ГрачанікаўАнатоль Грачанікаў - Свяці, кахання чыстая зара!..

Рыгор КрушынаРыгор Крушына - Твае вочы

Эдуард АкулінЭдуард Акулін - Трыялет

Янка ЖурбаЯнка Журба - Каханне