Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Генадзь Бураўкін - Пакуль жывы...

Пакуль жывы,
Турбуйся аб жыцці,
Але пра смерць не забывай таксама,
Каб з першым і апошнім словам «мама»,
З якім у свет прыйшоў,
З яго пайсці.

Паспей для ўнука дрэва пасадзіць
I пыл з іконы старадаўняй сцерці.
I памятай заўсёды:
Толькі ў смерці
Ёсць права ўсё спакойна рассудзіць.

Не мітусіся лішне –
Усяго
Купіць,
Нагрэбці,
Нахапаць
Няможна,
I драбязу не пхні ў рукзак дарожны –
Ты ж хочаш сыну перадаць яго.

Не бойся смерці –
У тваёй крыві
Хапае і агню, і засцярогі.
Не саступай з абранае дарогі.
Пакуль жывы,
Жыві!

1995

 

Похожие статьи:

ПераказыПрызначэнне чалавека

Рыгор БарадулінРыгор Барадулін - Пакуль жывеш, развітвайся з жыццём...

Сяргей ГрахоўскіСяргей Грахоўскі - Казкі жыцця

Сяргей ГрахоўскіСяргей Грахоўскі - Бяссмерце

Леанід ГалубовічЛеанід Галубовіч - Дзяцінства пачынаецца з пытання...