Вера Вярба - Дарагія бясконца мясціны...

Дарагія бясконца мясціны,
Ваш убор быў заўсёды такі:
Чырванеюць маністы рабіны,
Белы статак бяроз ля ракі.

Ўсё гаворыць тут роднаю мовай:
Ад вясенніх грымот да бароў,
Ад азёр і шумлівай дубровы
Да асенняй журбы журавоў.

Да якое ж крыніцы прыпасці?
У якія азёры глядзець?
Мне пра вашае добрае шчасце
Свае шчырыя песні прапець!

Похожие статьи:

Алесь Разанаў → Алесь Разанаў - Радзіма

Пераказы → Скарбы нашай Радзімы

Алесь Бачыла → Алесь Бачыла - Радзіма мая дарагая...

Янка Купала → Тэма народнага жыцця і любоў да Радзімы ў творчасці Янкі Купалы

Пераказы → Ганарымся Бацькаўшчынай