Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Васіль Зуёнак - Коні і поні

Ад натугі
І ад конскае тугі
Гнуцца дугі
І ў вачах ідуць кругі.
Напінаецца, сапе
Цяжаравоз,
Бо ідзе не так сабе,
А цягне воз.

А стаеннікі –
Браценікі
Яго –
Пасміхаюцца:
– Га-га! Ды і-го-го! –
І паказваюць на поні:
– Ці вы коні,
Ці не коні?
Га-

   га-

      га:

Цацачны хамуцік
І дуга, –
Важняцца
І дражняцца
З кож-

          на-

               га:

– Поні, поні, пончыкі,
Піражкі –
Не павезці вам ніколі
Воз цяжкі.
Поні, поні –
Засмуціліся зусім:
–- Што мы коні –
Быццам ясна,
Ды не ўсім...
Хоць малыя мы,
Ды вам – браты,
І зусім невыпадкова
Грывы ёсць у нас,
І ёсць
Хвасты,
І чатыры –
На падковах –
Капыты!

– Кіньце плакаць! –
Гром паважна абвясціў. –
Дождж закапаў –
Ёсць надзея падрасці.

Задаволена
Яшчэ раз грымнуў гром.
Мокнуць поні –
Мікра-коні –
Пад дажджом:
– Не ўхмыляйцеся,
Не кпіце –
Зараз мы
Падрасцём
Хоць на капыцік
Да зімы!

 

Похожие статьи:

Васіль ЗуёнакВасіль Зуёнак - Гаварыла маці...

Васіль ЗуёнакВасіль Зуёнак - У люстэрку Свіцязі

Артур ВольскіАртур Вольскі - Пагоня

БиографииВасіль Зуёнак

Артур ВольскіАртур Вольскі - Коні-поні