Васіль Вітка - Вялікдзень

Траўка брацца пачала,
У імшанніку пчала
Прачнулася і гудзе:
– Хутка ўжо Вялікі Дзень!

А людзі між сабою
Пацяшаюцца вярбою.
Ніхто нікога не міне –
Ні цябе, ні мяне.

І мяне, і цябе
Кожны дубцом сцебане:
– Б’ю не я, вярба б’е,
За тыдзень – Вялікдзень!

– І ты, родны народ,
Будзь здароў на ўвесь год!

Похожие статьи:

Змітрок Бядуля → Змітрок Бядуля - Велікодныя яйкі

Цішка Гартны → Цішка Гартны - Велікодная каробка

Васіль Жуковіч → Васіль Жуковіч - На Вялікдзень

Васіль Вітка → Васіль Вітка - Трывога ў Ельнічах

Пераказы, дыктанты → Пажачкі