Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Артур Вольскі - Боль Чарнобыля

Чым гэты боль нясцерпны вымераць?
Ён не лягчэй за той – з вайны.
Ці можа край палескі вымерці
без аніякае віны?

Няўжо атрутны вецер выветрыць
пачуцці нашы, мову, слых?
Няўжо не вернуцца дазіметры
да тых паказчыкаў – былых?

Няўжо абапал плыннай Прыпяці
лясы змарнеюць і палі?..
Усё стрываем, што ні прыйдзецца,
каб не застацца без зямлі;

каб жыта ў полі каласілася,
каб не радзеў лясоў гушчар,
каб над планетай не насілася
пагроза смерці ў плойме хмар;

каб катастрофа немагчымаю
была; каб матухна Зямля
не ўпала, стаўшы Хірасімаю,
счарнелым яблыкам з галля.

 

Похожие статьи:

Пімен ПанчанкаПімен Панчанка - Аб самым смачным...

Максім ТанкМаксім Танк - Самае доўгае расстанне

Сучасная літаратура БеларусіТэма Чарнобыля ў беларускай паэзіі

Мікола МятліцкіМікола Мятліцкі - Санеты Чарнобыля

Алесь ПісьмянкоўАлесь Пісьмянкоў - 1986