Анатоль Грачанікаў - Прыціхне ў прыцемках Прыпяць...

Прыціхне ў прыцемках Прыпяць.
Журботна вясло прарыпіць.
Калі ж тут нам сеці зарыбіць
І колькі гадоў іх сушыць?

Хваліцца і небу і зорам
Уладнасцю звыклі сваёй.
Каму гэта сёння не сорам
Перад зямлёй і вадой?

Перад нашчадкам-дзіцяткам,
Што з будучыні крычыць.
І нават
Перад птушаняткам,
Якому гняздзечка не звіць.

Похожие статьи:

Сучасная літаратура Беларусі → Тэма Чарнобыля ў беларускай паэзіі

Алесь Пісьмянкоў → Алесь Пісьмянкоў - 1986

Пімен Панчанка → Пімен Панчанка - Аб самым смачным...

Мікола Мятліцкі → Мікола Мятліцкі - Санеты Чарнобыля

Артур Вольскі → Артур Вольскі - Боль Чарнобыля