Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Аляксей Пысін - Жук і жолуд

Дуб на лузе сукаваты,
А пад дубам –
Жук рагаты.
Жук рагаты,
Жук л у паты,
На баках –
Стальныя латы.
На нагах-крывульках –
Боты,
Гэта – боты-скараходы.
А на ботах шпоры,
Быццам зоры.
Жук абцасамі – туп-туп.
– Узбяруся я на дуб! –
Хоць кара, нібыта з бронзы,
Ды ёсць шчыліны-барозны.
Жук панёсся – не суняць,
Шпоры новыя звіняць.

Вось ступае смелы жук
На круты шурпаты сук.
Глянуў ён туды-сюды:
На галінках – жалуды.
Жолуд
Жук аблюбаваў,
Гоп з разгону –
Асядлаў...
– Жолуд, жолуд,
Жалудок,
Патрымай
Мяне, браток.

Спелы жолуд ледзь

трымаўся,

Ад галінкі адарваўся.
Паляцеў дадолу жук.
Толькі латы грымяць,
Толькі шпоры звіняць, –
Стук і грук.

Прыляцелі матылі

на ратаванне,

Робяць жуку яны

штучнае дыханне.

Аглядаюць на баках

сінякі

Ды кладуць прымочкі

на бакі.

– Не чапаў бы ты, жук,

жалуды,

I не ведаў бы, жук,

ты бяды!

Похожие статьи:

Аляксей ПысінАляксей Пысін - Домскі арган

Аляксей ПысінАляксей Пысін - Забыта многае ў жыцці...

Аляксей ПысінАляксей Пысін - Пісьмо птушак

Аляксей ПысінАляксей Пысін - Туман

Аляксей ПысінТворчасць Аляксея Пысіна