Алесь Салавей - Раманс (Няма нідзе...)

Няма нідзе
блакітных васількоў —
такіх, што ў нас — няма нідзе.
I ўноч, і ўдзень
яны — трывога сноў:
я на чужыне не знайшоў
такіх нідзе.

Тваіх вачэй
блакіт, о квецік мой,
о любая, за ўсё сіней
блакіт вачэй...
Сябруе сум са мной,
бо не знайсці ў зямлі чужой
такіх вачэй.

22.10.1943. Рыга

Похожие статьи:

Алесь Салавей → Алесь Салавей - Спі...

Биографии → Алесь Салавей

Алесь Салавей → Алесь Салавей - Лясы. Узгоркі. Паплавы...

Алесь Салавей → Алесь Салавей - Пад шэлесты лісця

Алесь Салавей → Там, на пякельным таку, дзе цапамі малоцяць галовы...