Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Алесь Разанаў - Танец з вужакамі

   Змаганне захоплівае мяне: яно разнявольвае ўсе мае здольнасці, яно абуджае ўсе мае сілы, яно становіцца танцам, яно становіцца святкаваннем, яно тчэ з маіх рухаў свой непаўторны ўзор.
   Я ашчаджаюся ад яго. І чакаю яго.
   А з мора ўжо вынырнулі дзве вужакі – дзве неспатольныя пометы.
   Яны апантана накідваюцца на мяне, абкручваюць слізкімі шчыльнымі звівамі, пстрыкаюць джаламі ў самы твар...
   Я аддзіраю іх ад сябе, я душу іх рукамі, тапчу нагамі, кручуся, уюся, крычу...
   Навокал, з усіх бакоў, збіраюцца гараджане.
   Нібыта прыцягнутыя магнітам, яны глядзяць на мой адчайны міжбой, на мае пагібельныя вымогі...
   – Якое відовішча!.. – у захапленні, я чую, гамоняць яны. – Мы першы раз назіраем такі напружаны рытм, мы першы раз бачым такі выкшталцоны танец.


Крыніца: Разанаў А. Танец з вужакамі: Выбранае Мн Маст. літ., 1999. – 462 с. – (Беларускімі паэзія ХХ стагоддзя).

 

Похожие статьи:

Алесь РазанаўАлесь Разанаў - Радзіма

Алесь РазанаўАлесь Разанаў - Рагнеда

Алесь РазанаўТворчасць Алеся Разанава

Алесь РазанаўАлесь Разанаў - Вецер

Алесь РазанаўАлесь Разанаў - Арышт Кастуся Каліноўскага