Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Алесь Разанаў - Рэчка і возера

   Рэчка – рух, возера – спакой, рэчка – у спрэчцы, возера – у роздуме, рэчка няўрымслівая, як рысак, возера ўстойлівае, як воз, рэчка – у сустрэчах і расставаннях, возера – у сябе дома.
   Рэчка «рэкае», возера пазірае, рэчка – прарок, возера – празорца, у рэчку ўслухоўваецца блізкая рэчаіснасць, у возера ўглядаюцца далёкія зоркі.
   Рэчку аточваюць карчы, возера абступаюць бярозы, па рэчцы плаваюць качкі, па возеры – лебедзі, рэчка адпрэчваецца ад усяго, што ёй трапляецца, возера ўсё збірае, рэчка – час, возера – «zero» часу, рэчка кручаная, возера роўнае, рэчка – характар, возера – сузіранне, рэчка напружана ўразаецца ў абранае рэчышча, возера зарэзервоўваецца на месцы.
   Але з возера заўсёды чэрпаецца гэтакае самае рэчыва, як і з рэчкі, а рэчка заўсёды зараджае гэтакім самым зарадам здароўя, як і возера.

 

Похожие статьи:

Сяргей ГрахоўскіСяргей Грахоўскі - Пачатак

Ніна МацяшНіна Мацяш - Жыла-была рака

Эдзі АгняцветЭдзі Агняцвет - Рэчка-рэчанька мая

Анатоль ГрачанікаўАнатоль Грачанікаў - Шарпілаўка цячэ ў жыццё, як Сож...

Якуб КоласЯкуб Колас - Каля рэчкі