Мой сад у снезе па калена
Азяб у золь і снегапад...
Табе не холадна, Алена?
Табе не холадна, Алена?
Табе не хочацца назад?
Мой сад зусім не салаўіны –
У ім ахрыплыя вятры.
У ім рабіна ды каліна,
У ім рабіна ды каліна –
Вось і усе яго дары.
Мой сад пусцее без дагляду.
Яго сячэ калючы град.
Ён замаркоціўся без свята...
Ён замаркоціўся без свята...
Табе не хочацца назад?
Мой сад у снезе па калена.
Над ім і золь, і снегапад...
Табе не холадна, Алена?
Табе не боязна, Алена?
Табе не хочацца назад?
Похожие статьи:
Алесь Пісьмянкоў → Алесь Пісьмянкоў - Продкі
Алесь Пісьмянкоў → Алесь Пісьмянкоў - Балада роду
Алесь Пісьмянкоў → Алесь Пісьмянкоў - Вяртанне
Алесь Пісьмянкоў → Алесь Пісьмянкоў - Спавядацца бяжым да прыроды...
Алесь Пісьмянкоў → Алесь Пісьмянкоў - Роднае