Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Алесь Бадак - Маленькі чалавек у вялікім свеце

   А ці ведаеш ты, дзе ты жывеш? «Ну вядома ж, ведаю, – напэўна, адкажаш ты, – дома!» Але што такое «дом»? Правільна, гэта кватэра ці хата, дзе ты спіш, гуляеш, ясі, глядзіш тэлевізар, – гэта твой дом. Там яшчэ жывуць твае мама, тата, брацікі, сястрычкі. Там у цябе ёсць шмат цацак і кніжак.
   Але вось ты з татам і мамай паехаў у іншы горад ці вёску. У госці. Значыць, твой дом – не толькі твая кватэра, але і ўвесь Мінск, цэлы горад! А нехта жыве ў вёсцы. Значыць, яго дом – цэлая вёска...
   А цяпер паглядзі навокал. Бачыш вунь той лес? Гэта твой лес. Таму што ты можаш разам са сваімі татам і мамай у любы час пайсці ў яго ў грыбы ці ягады. Але гэта лес і ўсіх тваіх сяброў. I Валеркі, і Наташкі, і Марынкі, і Сяргейкі.
   I рэчка, на якой ты дапамагаў старэйшаму брату лавіць рыбу, таксама агульная. Наша.
   А ўсё гэта – і лес, і рэчка, і зямля, па якой ты ходзіш, і горад, у якім ты жывеш, і вёска, у якой жывуць твае бабуля і дзядуля, – усё гэта разам называецца адным словам – Радзіма. У яе і імя ёсць – Беларусь. Прыгожае імя, праўда?
   Ну а людзі, якія жывуць у Беларусі, гэта значыць мы з табой, называюцца беларусамі. На хлопчыка гавораць беларус, а на дзяўчынку – беларуска альбо беларусачка.

Похожие статьи:

Міхась КавыльМіхась Кавыль - Чалавек

Пераказы, дыктантыЧалавек і прырода

Якуб КоласДухоўнае багацце чалавека ў паэме «Новая зямля»

Ян БаршчэўскіЯн Баршчэўскі пра ўваскрэсенне душы і перамогу чалавека над злом

Пераказы, дыктантыРэкі і людзі