Авяр’ян Дзеружынскі - Бяроза і сасна

Бяроза кпіла, пасміхалася з сасны:
– Я прыгажэйшая, у час ранняе вясны
ўсе любуюцца адною толькі мной.
– Чакай да восені! – сасна сказала ёй.

Падзьмуў асенні вецер, абарваў лісты,
не стала ў той бярозы пекнаты.
Стаіць, самотна голле звесіла яна.
– Хто ж прыгажэйшы з нас? – спыталася сасна.

Похожие статьи:

Аркадзь Куляшоў → Аркадзь Куляшоў - Сасна і бяроза

Пераказы → Сасна пры дарозе

Анатоль Бутэвіч → Анатоль Бутэвіч - Як сасна з бярозай пасябравала

Янка Сіпакоў → Янка Сіпакоў - Танец соснаў

Пераказы → Сасна