Найти на сайте: параметры поиска

Увага!!! Невялія апавяданні і вершы пададзены ў поўным варыянце

Набыць беларускія кнігі можна на сайтах prastora.by і knihi.by



Максім Танк - Мой каўчэг

Мой каучэг —
Толькі больш загружаны,
Як Ноеў.
Бо і пасланцамі
Розных плямён і народаў
З іх засляпеннямі і разладамі
Перадаюць з рук у рукі,
З пашчы ў пашчу
Штормы,
Тайфуны,
Цунамі.

Амаль кожны дзень
Я выпускаю папары
Галубоў-разведчыкаў
У пошукі
Мірнага прыстанішча.
Але пакуль што
Усе яны прыносяць —
Не зялёныя галінкі
Пальмы ці алівы,—
А атручаныя
Промні бліскавіц.
Хірасімы,
Нагасакі,
Чарнобыля,
Пачарнелыя каласы збажыны
I гарачыя ад крыві
Гільзы патронаў.

Комментарии (0)

Нет комментариев. Ваш будет первым!